සදුන් උයන |Sandalwood Park | 5% to SL-Charity

සියලු දෙනාටම සුබ දවසක්!

මම අද කියන්න යන්නේ බත්තරමුල්ලේ අලුතෙන් ඉදිකරන ලද සදුන් උයන ගැන. එය පසුගිය දවසක ජනතා අයිතියට පැවරු බව රූපවාහිනියෙන් දකින්නට ලැබුනා. සදුන් උයනක් කිව්වම මගේ හිතට අවේ ලොකු ගස් පිරුණු ලොකු කැලයක් වගේ රුපයක්. හොද සිසිලසක් එක්ක ලස්සන දර්ශනයක් තියන සිත නිවන තැනක් මගේ හිතේ මැවුනා.කලබලකාරී කොළඹ ඒ වගේ තැනක් කියන්නේ ගොඩක් වටිනා දෙයක් කියල මට හිතුනා.

අහම්බෙන් වගේ ඒ කිට්ටුවෙන් යද්දී දවසක් මම මේ සදුන් උයන දැක්කා. මම හිතපු ලොකු ගස් තියන සදුන් උයනක් නම් නෙවෙයි පැල තාම ගොඩක් පොඩියි. එත් ලස්සනට පිලිවලට තියනවා.මේ උයන බලාගන්න, ලස්සන කරන්න වෙනම කණ්ඩායමක් ඉන්නවා මට හිතෙන විදියට අපේ ත්‍රිවිද හමුදාවේ මහත්වරු වෙන්න ඇති. උයනට ඇතුළුවන විටම අමුතු හැඩයකට නිර්මාණය කරන ලද පොකුණු කිහිපයක් සහ බිත්ති දිගේ කඩාහැලෙන ලස්සන වතුර මලක් හදල තියනවා. මෙම උයනේ ඉදිරිපස අලංකාර කරල තියන විදිය ගොඩක් ලස්සනයි.

දවල් වෙලාවට නම් පට්ට අව්ව. තාම පොඩි පැලනේ.එත් රෑට මෙතන අමුතුම ලස්සනක් තියනවා. මේකේ ආලෝක කරණය ගොඩක් ලස්සනයි. දියවන්නාව ඉස්සරහ තියන නිසා හොද සිසිලසක් තියනවා. හවසක යනවා නම් කලබලකාරී බවෙන් මිදෙන්න හොද තැනක්.

නගර නිර්මාණයේදී මේ වගේ සැලසුම් තියන එකත් ගොඩක් වටිනවා. කලේ කවුරු උනත් හොද වැඩක් කියලයි මට නම් හිතෙන්නේ. මේක හොදට බල කියා ගත්තොත් අපෙන් පස්සේ පරම්පරා වලට කොන්ක්‍රීට් පිරුණු කොළඹ තියන ලස්සන රූස්ස සදුන් ගස් පිරුණු සදුන් උයනක් දැකගන්න පුළුවන් වේවි.

ස්තුතියි